حلم با الألوان
زايد الرويس14 verses
- 1مانيب اعانـي دامهـا مـا تعانـي◆هالمترفه من حبها ينسى الاحـزان
- 2بنـتٍ بريئـه تستـفـز الثـوانـي◆في عقرب الساعه وهو فوق جدران
- 3بنـتٍ سوالفهـا تغيـظ الأغـانـي◆كلامهـا لا سولفـت كنـه الحـان
- 4لو تقدر تجيـب المجـرّه عشانـي◆كان القمر والشمس فـي كفـي الآن
- 5لا سولفت لي سولفت عـن حنانـي◆وعن حبها اللي كله جنان ب جنـان
- 6علـى أريكتهـا تعيـش الأمـانـي◆تحلم بها لو تجلـس بكـل تحنـان
- 7وعن المخده فْراشها صـار انانـي◆يغيظها وتغيظه ب شعـر واوجـان
- 8الله عليهـا نومهـا شكـل ثـانـي◆الحلـم لا نامـت تشوفـه بالالـوان
- 9والى صحت من نومها عـاد مانـي◆قايل لكم خطواتها تشطـب ازمـان
- 10تضحك وانا مدري ويضحك زمانـي◆تميل يتمايـل لهـا قلـب وانسـان
- 11تضيق وادري بضيقهـا ويغشانـي◆ضيقه ولو ترضى رضا خاطري بان
- 12أصلاً رضاها ينسكب فـي كيانـي◆وتميل له في داخلي كل الاغصـان
- 13والى شعرت انـه بلحظـه روانـي◆اصب شعري فـي فناجيـل الاوزان
- 14واكتب على كف الزمن كيف اعاني◆وهالمترفه تنسف من القلب الاحزان