جتك تكفى
زايد الرويس13 verses
- 1ياصاحبي قلبـي يـدوّر مرفـا◆وفي وجنتك كني لمحت الضفـه
- 2وجنتك هذي سحرها ما يخفـى◆حتى ولو شالـك عليهـا تلفـه
- 3بـردان والبـردان لازم يدفـى◆لو مادفى يمكـن تصيبـه خفـه
- 4تقول تكفى قلت جتـك التكفـى◆ميـر الله الله لاتـزم الشـفـه
- 5يا اعز واغلى من وعدني واوفى◆وعدك لا منـك وعدتـه وفّـه
- 6ليتك ليا شقيت جرحـي ترفـى◆قلبي علامك ما تصافح كفـه؟؟
- 7انا الغريب اللي لقى بك منفـى◆عن حزن دنياه وهمومـه خفّـه
- 8تكفى دقايق خـل قلبـي يغفـى◆وان شفت لاهب نار فيني طفّـه
- 9الوقت لوّ انه يزيـن ويصفـى◆ما كل عاشق ينجرح من شفّـه
- 10ابك انت شفّي طالبك لا تجفـى◆خل الفرح يضحك بيوم الزفّـه
- 11اتلى العهد في فرحتي يوم اقفـى◆زولك وحزني راجـحٍ بالكفـه
- 12وغليلي اللي لو بغيته ما اشفـى◆يشفيه شوفك يـا أميـر العفـه
- 13والله ما غيـرك بعينـي مرفـا◆في شفتك في وجنتك لي ضفـه