تلويحة مسافر
زايد الرويس19 verses
- 1ما بقى فالليل ليل !◆وقرّب الصبح يتنفس ..
- 2شمس بكره ..◆تمسك الأرض بتلابيب الظلام
- 3ناس .. تغرق في سبات◆وناس .. تعرق في حياة
- 4وفـــ آخر حدود الظلام◆خطوة مسافر.. وتلويحة وداع !
- 5كنّه اللي.. إهتدى لـــ درب الضياع !!◆وبعدين .. ضااااااع !!
- 6في حقيبة ذكرياته◆بعثر سنينه بلا ترتيب !
- 7جمّع سنينه بلا تثريب !◆رتبّها على كيفه !!
- 8وعلى حسب الجراح◆قبل الصباح !
- 9يخطف اقدامه معاه !◆إلتفت خلفه
- 10ما لقى كفٍ يودّع◆وما لقى قلبٍ يودّع !
- 11ولوّح بكفه لماضي ذكرياته◆وفاته إن الماضي/ الباقي !!
- 12فاته إن الماضي مبعثر معه◆في حقيبة ذكرياته !
- 13لا تدوّر عن ظلالك◆ما معاك إلا ضلالك !!
- 14والسفر: ترحال الأرض بمن عليها !◆السفر : صوت الخطاوي من بعيد !
- 15السفر : قطعة عذاب !◆السفر : تنهيدة الأحباب للأحباب من بعد الغياب
- 16السفر : غاية تدوّر عن وسيلة !◆السفر : نصفه هروب ! ونصفه الثاني شجاعة !
- 17وانت تجمعهم بخطوة !◆يا مسافر !
- 18غنّ روحك !◆تقدر تسجل خروجك !!!
- 19
وتلويحة مسافر !!