الرسائل الأخيره
زايد الرويس14 verses
- 1للصمت .. يا الكلمة اللي قبل تولد تموت◆الصمت : قوّة , متى ما كان ضعف الكلام !!
- 2أيامي اللي بنى من فوقها العنكبوت◆هجرتها .. وان طرت لي ! ما عليها سلام
- 3سلام يا رحلة المجهول بين البيوت◆ما اخترت ادوّرك ! دليتك فــ جنح الظلام !
- 4خمس وثلاثين ! يا طولك ! ويا قصرك◆جيتي ورحتي بــــ روحاتي وجياتي
- 5عفواً على الحزن .. لكن واجبي شكرك◆على التعب واختصاره في مسافاتي
- 6ضعتي .. وانا يا سنيني كنت تحت أمرك◆لين اكتشفت اني ابعد شخص عن ذاتي !
- 7ماني على خبري وماني على خبرك◆باطير واحرق وانا طاير ملفاتي
- 8بدري على أيش ؟ ذا عمري مــ هو عمرك◆أبنطلق والفضا تملاه ضيقاتي
- 9أنا البارح أغني ذكريات العمر .. لين ارتاع◆ظلام الليل وانفج الصباح بــ شمس مدفونة
- 10أموّل ما تبقى من جروحي والدموع إيقاع◆على لحن الضياع اللي حفظت بــ عمري لحونه
- 11أضاعوني وأي فتىٍ أضاعوا!! من هو اللي ضاع ؟◆أنا اللي ضعت ! ما شفت الطريق وطحت من دونه
- 12تعبت أدوّر أيامي, وضيقات الغريب وساع◆وانا اللي قلت لاحلامي : هنا ! خليك مسجونة
- 13هنا خليك .. أبرحل بك بلا صوت وبدون وداع◆لي الله .. لو مشاوير الزمن ماهيب مضمونة
- 14تخيّرت السفر صاحب ما دام إن الدروب جياع◆وما دام ان الظلام أدمت سواده شمس مدفونة