الجهات الخمس
زايد الرويس12 verses
- 1تهب الريح مـن كـل الجهـات الخمـس فـي صـدري◆واحس غصـون قلبـي يـوم مالـت وانكسـر غصنيـن
- 2ياليت الدمع مـا طـاح وسـرق مـن دفتـري حبـري◆وخلانـي عـلـى دربٍ طـويـل آمــرّر الرجلـيـن
- 3غريب وما شعر في غربتـي غيـر انـت يـا شعـري◆منافـي يـا دروبـي والوطـن فـي ظهـري السكيـن
- 4سهرت ويـا صبـاحٍ مُـر / مَـر ومـا جلـب فجـري◆عجـزت القانـي مـن البـارح المظلـم إليـن الحيـن
- 5ركضت ومـا دريـت ان الطريـق اللـي ورا ظهـري◆نسيت ارجـع وانـا قـدام لا ارجـع ب اكسـر الثنتيـن
- 6مآسـي يـا أمآسـي ليتنـي حسـيّـت مــن بــدري◆وانـا حسيّـت لـكـن ضيّعتـنـي نـشـوة التخمـيـن
- 7بعـد مـا استسهلتنـي كـل دمعـه ودهــا تـجـري◆بعد مـا طـاح قنديـل وطفـى شمـع ونسيـت سنيـن
- 8عرفت ان السهر لا طـال بعـض احيـان مـا يغـري◆وذكـرت انـي ثـلاث سنيـن أو أكثـر بـدون يديـن
- 9تعبـت وليتنـي قـدام ( اطيـح مـن التـعـب أزري )◆ولا اصبـح عرضـةٍ للـوم والتقـريـع والتأبـيـن !!
- 10ملكـت امـري ولكـن فالحقيقـه مـا ملكـت امــري◆و لالي منـه غيـر اغلـى طمـوح وضحكـة النسريـن
- 11ابصبـر علّهـا تُفـرج واذا مــا فـادنـي صـبـري◆ب اقول اني صبرت وما قدرت اقطفك يـا احلـى تيـن
- 12واذا هبّـت علـي الريـح ب افـتـح للهوى صــدري◆بسيطه كانها غصنين !! يعني لا انكسر غصنين !!!!! ؟؟؟