الشوق يذبح
رياض العوض10 verses
- 1الشوق يذبح وانا ما اقواه◆غصني ذبل والله بأسبابه
- 2جيبوه عندي غصب ابغاه◆مشتاق انا لريحة ثيابه
- 3شقيت جيبي بعد فرقاه◆وهليت دمعي على بابه
- 4سنتين غايب ولا كفاه◆والشوق لعيوني ماجابه
- 5من غير الزين من قساه◆من علمه يهجر احبابه
- 6وشفيه مدري وش اللي جاه◆مو عادته مدري وش صابه
- 7راحت حياتي وانا استناه◆والروح من بعده منصابه
- 8نذراً على قلبي ماينساه◆حتى ولو طول غيابه
- 9مو بس احبه انا و أهواه◆اموت انا فيه و احيابه
- 10متى بشوفه و متى بلقاه◆وأكحل عيوني واهنابه