دولة ورجال
خلف بن هذال69 verses
- 1< اللوحه الاولى >◆في سحابك عز واليك ياغيث هطل
- 2مزنته من كل جانب تلوح بروقها◆مرحبا باللي على ديرته شرف وطل
- 3طلته ردت على الناس كل حقوقها◆انجبت شبه الجزيره بطل والله بطل
- 4يوم لقت له نحرها تربع فوقها◆< اللوحه الثانيه >
- 5جابت الحر الاصيل◆راهي الباع الطويل
- 6طالع من صلبها◆لا غريب ولا دخيل
- 7< اللوحه الثالثه >◆يقولها الا اعتزيت اسمي معزي
- 8احيا على الدنيا عزيز◆وان مت انا مامات عزي ..
- 9ابني دوله .. وارفع رايه◆واحمل دعوه .. واقرا آيه
- 10ثلم سيوف .. وكسر رماح◆حتى وصلت اسمى غايه ..
- 11اقارع الفرسان باعواد القنا◆وان قيل وين ابن الجزيرة قلت انا
- 12اصونها واسوق عمري دونها◆لي في ثراها مرتبة شكر وثناء ..
- 13اخدم المبدا واذود عن العقيده◆وابني المسجد على انقاض الصنم
- 14واربط الدار القريبه في البعيده◆والشريعه للوطن .. حكم وحكم
- 15< اللوحه الرابعه >◆تبسم الفجر بانوار .. والصبح هذي نجومه
- 16الجار سير على الجار .. والقلب نامت همومه◆الحق حنا له انصار .. بالعدل اقمنا رسومه
- 17تجمع الشمل يادار .. قايد وشعب وحكومه◆< اللوحه الخامسه >
- 18حي الله اللي نوختبه ذلوله◆اختار للشعب السعودي مساره
- 19يحكم بشرع الله وسنة رسوله◆فل الكتاب ورحبت به دياره
- 20هذا الموفق كل منصف يقوله◆لم الشتات وقاد ركب الحضاره
- 21شال العلم والتفت الناس حوله◆قضى على الفتنه وطفى شراره ..
- 22ياجزيرة ..◆والله انجبتي الحكيم الشهم اخو نوره
- 23يا جزيرة ..◆كفو من جبتي الزعيم اللي سطع نوره
- 24نعم الزعيم◆ملا الدروب .. احيا القلوب .. آمن وعدل ..
- 25مرحوم يامن جمعنا◆حل اللغز اصاب المعنى
- 26وحد شعب اسس دوله◆الله معنا الله معنا
- 27< اللوحه السادسه >◆يابلادي ياملاذ المستجير ... يوم اشوفك فيك شي من الخيال
- 28جوهره حصباك ورمالك حرير ... الطبيعه صورت فيك الجمال◆فيك نجد .. وفيك مجد .. وفيك خير
- 29وفي جبال طويق للاجي ظلال◆ياحجاز المصطفى الهادي البشير ... الاله اعطاك تعظيم وجلال
- 30منك هدي .. منك هدي .. منك هدي وفيك يربطني مصير◆وامتداد العرب من ذيك الجبال
- 31ياخليج اعشقك .. ياخليج اعشقك .. من يومي صغير◆ساحلك فرجة هموم وراس مال
- 32اهلك اهل الجود .. يوم الوقت غير◆يطعمون وكسبهم كسب ٍ حلال
- 33وانشدوني عجل وركابي تسير◆فز قلبي للجنوب وللشمال
- 34يكرمون الضيف يحمون القصير ... بين ذي القربى صلة حب ووصال◆< اللوحه السابعه >
- 35انا المواطن والوطن مني وانا منها◆امانتي والرب مامني ومامنها
- 36تحيا الوطن في دمنا .. والله باكبر همنا◆يارضنا ياعرضنا .. يابعد ابونا وامنا ..
- 37عن كل طامع وشرير◆عيوننا من وراها ..
- 38عاشت بهيبه وتقدير◆محد ٍ يدنس ثراها ..
- 39< اللوحه الثامنه >◆ياشباب اليوم .. عصر الجهل ولى وفات
- 40السنين الماضيه فارقت واحزانها◆بالمعاهد .. والمدارس .. وسبع الجامعات
- 41بالعلوم النيره فتحت بيبانها◆ضم صفك وابذل الجد واصنع معجزات
- 42واعمر الاوطان يارمزها عنوانها◆هذي الاوطان ولها عليك الواجبات
- 43فرشتك لحفتك وعطتك احضانها◆< اللوحه التاسعه >
- 44انا المسلم وللاسلام داعي◆نشرت الدين بافراد وجماعه
- 45انا الجندي وعن وطني دفاعي◆ثرى الاجداد برقبتي وداعه
- 46انا العامل وفي المصنع صناعي◆نهلت العلم في فن الصناعه
- 47انا الفلاح وفي حرثي زراعي◆فرشت الارض خضراء بالزراعه
- 48< اللوحه العاشره >◆يافهدنا .. ياسندنا .. ياسعدنا .. في بلدنا
- 49على الكتاب نعاهدك .. وعلى المضي نواعدك◆سر ياملك واللي معك .. ولي عهدك ساعدك
- 50< اللوحه الحاديه عشر >◆ياخادم البيتين ياالليث العريب
- 51مكه وطيبه عانقتك ضيوفها◆ياسيفنا المسلول في وجه الحريب
- 52تغمد على سلتك كل سيوفها◆ياحامي الاوطان في اليوم العصيب
- 53ان قامت العذراء تدق دفوفها◆الناس من حبك خذتك لها حبيب
- 54للعهد والبيعه عطتك كفوفها◆ياعل شمسك يابو متعب ماتغيب
- 55عنا ولا نسمع بيوم كسوفها◆تحفظ حقوق الله وتاصل بالقريب
- 56مدت يمينك ماانقطع معروفها◆كلك وفا واحسان ياعود الطليب
- 57منفل جمعا وانت بين صفوفها◆يطيب للزعلان ولا لايطيب
- 58كم روس قوم ٍ خرعت بكتوفها◆سلمت ياسلطان ياالحر النجيب
- 59فيك الصفات الطيبه ووصوفها◆فيك القوافي يابو خالد ماتشيب
- 60اجمل تحيه لك نصوغ حروفها◆< اللوحه الثانيه عشر >
- 61على الله التيسير◆قامت قرى وديار
- 62بالنهضه والتطوير◆تتوجه الانظار .. الى الله
- 63المستحيل يصير◆بالعزم والاصرار
- 64على الطريق نسير◆ونكمل المشوار .. على الله
- 65< اللوحه الثالثه عشر >◆نحفظ تراث ابائنا واجدادنا
- 66نسعد حياة اولادنا واحفادنا◆نرعى العهود ولا نخون عهودنا
- 67ونضمها بقلوبنا واكبادنا◆< اللوحه الاخيره >
- 68حضر وبدو اسره وحده◆تجمعنا توحيد ووحده
- 69والله مانشرك به وحده◆دولة ورجال (اوبريت)