على حطة يدك
خالد المريخي8 verses
- 1أنا على حطة يدك وبين ايديك◆امسلمك روحي وقلبي مسلمة
- 2حتى عيوني صدق ماتغلى عليك◆لوقلتلي حلوه اقول مقدمة
- 3انا معك من يدك ذي ال يدك ذيك◆شكل حياتي وارسم اللي ترسمه
- 4لو كل هالعالم تمناك وتبيك◆من يفهم احساسك مثل ماافهمه
- 5لارفرفت روحي من اللهفه اجيك◆من غيرك الدنيا حبيبي مظلمه
- 6أذني ما تسمع بك وأنا ما اشوف فيك◆لو ينقسم نصفين قلبي لاقسمه
- 7اذا جرحت اقولك تسلم يديك◆حتى ألمك ارتاح لما أتألمه
- 8روحي معك وبكل حلاتك ابيك◆انت احلا واصدق حلم عيني تحلمه