ارسي على بر
خالد المريخي6 verses
- 1ارسي على بر اريح لك واريح لي ..◆يا اصير الاول بقلبك والا تنساني ..
- 2لعب العواطف ترى ما عاد يصلح لي ..◆اللي يبيني يجي كله ويلقاني ..
- 3وش ناوي بالضبط يا بن الناس وضح لي ..◆لا يكون ناوي تعلقني وتنساني ..
- 4ان كنت ناوي كذا بطلنا واسمح لي ..◆رح مابقى الا انت تتسلى بوجداني ..
- 5خلك على بينه وش له تلمح لي ..◆انا ترا اللي على قلبي على لساني ..
- 6المسأله ماهي بحاجه تلمح لي ..◆واضح وضوح النهار انك تحب ثاني ..