الذاهبة
خالد الفيصل14 verses
- 1ياالمعرفه ياما سعيت◆أدورك و انتي شرود
- 2أمشي و اصوّت بالحياة◆يامن لقيت الذاهبه
- 3دخلت أدور كل بيت◆و ظهرت أدوج بالنفود
- 4و اسأل مراكيب الزمان◆الشارقه و الغاربة
- 5و لساري النجمة سريت◆لعل نجماتي تجود
- 6ياشاهدة سر الزمان◆عطيني سر الغايبه
- 7سافرت للبعد و مشيت◆أتبع فوانيس الوجود
- 8و ازور واحات القلم◆عند العجم و العاربه
- 9عودت للحرف و قريت◆أبي من الكلمة ردود
- 10لقيت كتاب الفلاه◆تطرد نياق هاربه
- 11ياالمعرفه دونك غديت◆و الحد من فوقه حدود
- 12و المدعين المعرفة◆أجهل من اللي طالبه
- 13أبعد من أيامي مشيت◆و الحمل بالكاهل يزود
- 14رجل توردني خطر◆درب العباد التايبه