ما فقدتك
خالد الغامدي8 verses
- 1مافقدتك وحدي فاقدك المكان◆اللي دايم تعشق تجي له معاي
- 2كل ماجيته وانا مشتاقلك كان◆دوم يسألني عليك وقلت جاي
- 3وين جاي وانت غايب من زمان◆جارح احساسي وخاين في وفاي
- 4غارق بخوفي وبك بر الامان◆كيف تجرح وآنا سميتك دواي
- 5قاسيٍ قلبك علي مايوم لان◆وانت غيم وهان بعيونك ضماي
- 6ماهقيت تبيع من حبك وصان◆ماحسبتك يوم تتركني بعناي
- 7وش بدر مني وانا جيتك حنان◆هو صحيح ان العمر احلى بلاي
- 8قول صارحني ولو مره عشان◆اقدر انسى مامضى واعرف خطاي