ادمان حبك
خالد الغامدي8 verses
- 1ادمان حبك صعب ماقدر اخليه◆مثل النفس ماعيش لحظه بدونه
- 2لا مر يوم من العمر وانت مو فيه◆يجن قلبي وانت تعرف جنونه
- 3انت الوحيد اللي من الناس اغليه◆مالله خلق بالناس من يشبهونه
- 4عمري اذا شفتك بتضحك لياليه◆كنك عن الباقين شكله ولونه
- 5من غيرك اللي ماخذ القلب بيديه◆من غيرك اللي سعد حظي عيونه
- 6هذا مكانك مافي انسان يمليه◆قلبي حلف لو خنتني مايخونه
- 7قلبٍ يحبك انت وحدك محبيه◆مايوم خابت في عيونك ظنونه
- 8غلاك كاتب في عيوني معانيه◆باجمل كلام الحب واعذب لحونه