على مايشوق لخاطري
حمد المغيولي15 verses
- 1على مايشوق لخاطري ينطـق لسانـي◆يعبر لسانـي لكـن الوقـت ضاهدنـي
- 2عشقت الهوى واشقان يـوم الله اشقانـي◆احسبه على حمـل المـوده يساعدنـي
- 3رماني هـوى قلبـي وسمـن وعنانـي◆وانا دون هذا كهرب الحـب صايدنـي
- 4مع الصاحب اللي في ضحى العيد وافاني◆يـذود الزعامـه كـن وده يسانـدنـي
- 5رميت السلام وفاتنـي تقـل ماوحانـي◆وهو يسمعن لاشـك قصـده يكايدنـي
- 6الايابعـد حالـي ومـالـي وحيـانـي◆بـلاش التغلـي مـد كفـك وعايدنـي
- 7ترى الكل غيـر الله رب القـدر فانـي◆ولالك صلاح فـي حياتـي تزهدنـي
- 8الى جيت حادين الوحم حرق عطشانـي◆علـى مبسـم غـر ثنايـاه وردنــي
- 9طرف ساعة شانك يوافق علـى شانـي◆اشاهـدك وانـت ياعيونـي تشاهدنـي
- 10يطفي لهيـب شـب بالجـوف نيرانـي◆ترى الكبـد حرقـه والمنيـه تهددنـي
- 11من العام قلبـي مـن تغليـك وجعانـي◆وغيرك من الخـلان ماهـوب فايدنـي
- 12الايازريف الطـول يانجـل الاعيانـي◆على حبك اللـي غامـرن لاتحاسدنـي
- 13حرام ان سلبت الروح وايتمت بزرانـي◆عساها بحظك كـان صممـت تبعدنـي
- 14تذكر زمـان فـات مامـداك تنسانـي◆ليـا كنـت بالله للصداقـه تعاهـدنـي
- 15نقضت العهود وبعت ولفـي بهجرانـي◆وكثر الدلـع ماهـوب يبعـد ولايدنـي