سيبك مني
حسني عبدالله جاد21 verses
- 1مالكيش دعوه بيا نهائي◆ابعدني عني
- 2لحسن قتلك هوه دوائي◆سيبك مني وابعدي عني
- 3عمري مانبقى ف يوم احباب◆ولاح تكوني قريبه مني
- 4زي زمان أو نبقى صحاب◆اصلي كرهتك
- 5واتمنيت ماسمعش لسيرتك◆واشطب اسمك
- 6وامسح أي خيال من صورتك◆قلة أصلك دي خلتني
- 7اكره نفسي واشطب اسمي◆وانا من خيبتي ناولتك قلبي
- 8حتى شربتي خلاص من دمي◆واما لقيتك تهربي مني
- 9وتعملي كل اللي بيتعبني◆جيت وسألتك ليه انكرتي
- 10والا الغدر ف أصلك يعني◆شوفي ازاي اتغير حالي
- 11شوفي ازاي بعد اللي جرالي◆كنت بحبك حب العالم
- 12كنت بصونك والله العالم◆لكن غدرك غير طبعي
- 13وخلى الحقد ف قلبي الحالم◆كنت اتمنى نكـــون اصحـاب
- 14نحكــــي لبعض عن الأحبـاب◆والقي بعــد شويـــه ترقي
- 15والقـــى الحـب يدق البـاب◆لكن اعمل ايه وانــــــا شايفـــك
- 16جامعه كل القســــوة ف طبعك◆عامــــــلة زي المـــــــوج غــداره
- 17وانا جربت الموت مــن غدرك◆كنت بحب الناس واعشقهم
- 18كنت بحب ان افرح بينهم◆لكن بعد ماخاب فيكي ظني
- 19انا دلوقتي خلاص باكرههم◆داللي ما بيني وبينك ضاع
- 20مش حنعيش ابدا ف خداع◆انتي ظهرتي بقلة أصلك
- 21
وانا حرمت واقول ياوداع