روحتي وغبتي
حسني عبدالله جاد19 verses
- 1روحتي وغبتي◆ولساكي فاكره
- 2انك سبتي القلب بيبكي◆وانا من بعدك
- 3قولت يادنيا◆الف خساره وعمال بشكي
- 4بشكي من اللي ماتسأل عني◆واسعد قلبي وهيه بتحكي
- 5ليه اتغيرتي انتي قدرتي◆تبعدي عني وتجرحي قلبي
- 6طيب قولي صحيح ان كنتي◆حسيتي بيا والا بحبي
- 7ايه خلاكي بتلعبي بيا◆ايه خلاكي بتجرحي فيا
- 8انا قدمت الحب وصنته◆حتى لقيت القلب ضحيه
- 9هوه انا حظي دا حاله غريب◆ساعة يصيب أو ساعة يخيب
- 10وانا من حظي بقيت متكدر◆طول ايامي وشمسي تغيب
- 11ولانور شايفه يقرب مني◆ياخد ايدي يكدب ظني
- 12أو يهديني بوردة سابتني◆للأشواك علشان تجرحني
- 13ياللي نسيتي كفايه عذابي◆بعد ما كنتي اعز احبابي
- 14خدتي الفرحة لما مشيتي◆وسبتي الحزن وقف على بابي
- 15ونسيت نفسي ونسيت روحي◆حتى نسيت م العمر شبابي
- 16شوفتي ازاي الدنيا غريبة◆وبأحوالها حاجة عجيبة
- 17ليه دلوقتي وبعد ماغبتي◆لساكي فاكرة انك سبتي
- 18قلب حنين مخلص جدا◆واهو من بعدك عمال يبكي
- 19الأربعاء 10/10/2007◆الخامسة والثلث صباحا