الكره_كلمة ماحبهاش
حسني عبدالله جاد19 verses
- 1الكره كلمه ماحبهاش◆أعشقها لو كانت إليك
- 2نفسي اقولها ما خبيهاش◆لما اشوف نظرة عنيك
- 3كره كل الدنيا عندي◆لما تيجي أو تعدي
- 4وافتكر بير الخيانه◆اللي كان صنعة ايديك
- 5قول بإيه ازاي اكافئك◆ع الخيانه اللي في دمك
- 6رايحه اظهر لك ودادي◆لما اجيبك وانت راضي
- 7وافرش الأرض بمحبة◆وافتح وارحب بالايادي
- 8لماتيجي عندي تنسى◆والحياه راح تبقى عادي
- 9واحضن ايديك تاني بإيديا◆واضوي ف الليالي شموع
- 10وف شموعي سم قاتل◆مسقي من نار الضلوع
- 11راح تشوفني ف أحلى صوره◆لما اشوف منك ركوع
- 12هاتركك والشمع وحدك◆عطره راح يجري في دمك
- 13واما اشوفك إترميت◆آجي واجري لحد عندك
- 14واما احس انك خلاص◆والقى روحك طالعه منك
- 15أنسى إني خلاص كرهتك◆وبإيديا أحفر ف قبرك
- 16وادفنك وانا اخاف عليك◆يلتهم السبع لحمك
- 17رغم إني صحيح كرهتك◆إلا إن الطيبه عندي
- 18جت وف الآخر لحدي◆و انت شايف اللي عملته
- 19بايديا دول قمت ودفنتك◆مع تحياتي وانا كلي طيبه