أصعب_خبر
حسني عبدالله جاد27 verses
- 1لحظة ماقالوا◆إن قلبِك في خطر
- 2رديت وقلت إزاي وليه◆وسألت قلبي جراله إيه
- 3ردوا وقالوا◆حبك حبيبك في سفر
- 4أنا قلت عارفة وفيها ايه◆وهوه ده بس الخبر
- 5ماتقولوا إيه قصدكم◆اللي ف خيالكو وعقلكم
- 6قالوا الفراق غير كتير◆وآدينا أهه شوفنا المصير
- 7ساعتها قلت ياقلبي آه◆فين اللي خد روحي معاه
- 8خلُّوني خايفة◆وآديني خايفة
- 9م اللي جاي والمنتظر◆شوفوا لي حل
- 10إزاي ح اقدر اصبر قلبي◆قولولي ازاي
- 11وانا مخطوفه وقلبي كمان◆من بكره الجاي
- 12وازاي ح اقدر أنام وأعيش◆خايفه حبيبي يروح مايجييش
- 13بس الحب اللي جمع بينا◆أكبر بكتير
- 14أصل حبيبي بقلبه الصافي◆وأحلى ضمير
- 15مش حتصور إن الغربة◆والا الدنيا هناك بجمالها
- 16ح تلعب بيه◆بس أنا خايفة
- 17والله أنا خايفه◆زرعوا الشك في قلبي
- 18من بُعدك ياحبيبي◆وبقيت خايفة أصدق
- 19إن الهجر نصيبي◆وبقيت بسأل نفسي
- 20ليه بس بيحكولي ؟◆لكن عقلي جاوبني
- 21دول حساد ياعيوني◆هو الود مابينكم
- 22كان أحلام وأماني ؟◆والحب اللي جمعكم
- 23كان عايش لثواني ؟◆سيبك م اللي قالولك
- 24سيبك من أفكارهم◆دول عايزين يجيبولك
- 25الفكر بأفعالهم◆وإوعي تقولي أنا خايفة
- 26وانتي بحبك عارفة◆اللي جاي والمنتظر
- 27والحل عندك◆الحل مش عند البشر