أحلى كلام في الحب
حسني عبدالله جاد23 verses
- 1أحلى كلام في الحب انا قلته◆لما وعدني في يوم وقابلته
- 2شفت الفرحة بتسبق قلبي◆والعين رقصت لما انا شفته
- 3شفت البدر ف وصفه تمام◆وجمال ايه عمرى انا ماعرفته
- 4قاللي ياغالي ازي الحال◆وأنا مشدود بتأمل صورته
- 5ردد قاللي اسم الله عليك◆قلت ماشالله وأهلا بيك
- 6قاللي ياغالي وقعت ف حبك◆خدني معاك الله يخليك
- 7عشت ف دنيا غير الدنيا◆شوفت وشوش الناس حاجه تانيه
- 8كل كلامهم حب ف حب◆شوفت دا كله ف لحظه وثانيه
- 9لما ندهلي وقاللي ياغالي◆قلت يانور العين لبيك
- 10ولقيت قلبي بينطق قبلي◆انا ياحياتي ملك ايديك
- 11انا باتمنى اللحظه ده هية◆لما أشوفك وافرح بيك
- 12انت الغالي وأغلى ياغالي◆وانت ف نن عنيا اداريك
- 13ولاقيت ايده بتلمس ايدي◆حسيت يومها بسحر عجيب
- 14حسيت رعشه بتجري ف دمي◆يعجز عنها أي طبيب
- 15ولقيت روحي بتهرب مني◆عايزة تروح لاعز حبيب
- 16ضميت ايده بكل حنان◆قلت له زيدني حب كمان
- 17قام قال كلمة مش ح انساها◆نفسي الود وصاله قريب
- 18وانا باتمنى اليوم ده يجيني◆قلت انشالله ياروحي قريب
- 19انا بصيت له وعينه قبالي◆وانا مش حاسس باللي جرالي
- 20وقبل ماقوله ع اللي ف بالي◆قام قال وقتي عدى ياغالي
- 21بس باقولك اشوفك بكره◆ونبقى نعيش الحب دا تاني
- 22مش راح اسامحك لو ماتجيش◆دانا من غيرك مش راح اعيش
- 23ومن الفرحه لقيتني مافيش◆ولقيت نفسي بأقول آه ياااني