ياذميري وصل المكتوبي
حسن عامر آل عيسى13 verses
- 1ياذميري وصل المكتوبي◆عند من وديت لي مكتوبه
- 2صبحه بالخير يامندوبي◆انت يا مندوبي ومندوبه
- 3قله ان الطيب هو عذروبي◆واعتقد هو عارفٍ عذروبه
- 4احمد الله الوفاءاسلوبي◆يوم نكران الجميل اسلوبه
- 5ضافي من فوق متني ثوبي◆والله يزيده سترفي ثوبه
- 6والخطيه ماتجي من صوبي◆والله اكبر كم يجي من صوبه
- 7حذفته تاجي على عرقوبي◆واتوقى الحذف عن عرقوبه
- 8كم رماله كلمة بغيوبي◆وانا استّر هفوته بغيوبه
- 9الصراحه منهجي ودروبي◆والتلون منهجه ودروبه
- 10انتقي عند الضمأ مشروبي◆ياعسى هو ينتقي مشروبه
- 11وقول لا يعنا على مطلوبي◆وان قدرت اعطيت له مطلوبه
- 12مالبسنا ثوبنا مقلوبي◆يوم ناس ثيابهامقلوبه
- 13والسلام ختام يامندوبي◆وبلغه بالعلم يامندوبه