مجارات انا لي رفيق دق صدره وتالي حاص
حسن عامر آل عيسى15 verses
- 1محمد الحربي◆انا لي رفيق دق صدره وتالي حاص
- 2ياشين الوعود اللى تجي عقبها الحوصه◆لاصرناعلى شاهي ودله وتمر خلاص
- 3يجيب المراجل شق حلقه تقل بوصه◆ولكن لاجاء بالعلم علم وكلامن خاص
- 4تجي وقفته بين الرجاجيل منقوصه◆يجيد التنصل زين ويدور المخلاص
- 5وهوبالرخا حكيه مثل شجرة الخوصه◆رجال مايحمي كلمته نعتبره هلاص
- 6ولوهو من رجال بالامجاد مخصوصه◆خدعنا لميع البدي واثر البلا بالشاص
- 7ولا فادنا قولة جديده ومفحوصه◆ترى المشكله ماهو بدين بلا مخلاص
- 8لكن البلا في دقة الصدر والحوصه◆هلا مرحبا ياشاعرن بالقوافي غاص
- 9وجاب القصيد بفن وابيات مرصوصه◆ويشكي من اللى حين جات اللوازم لاص
- 10ويامكثر ابطال السواليف واللوصه◆وانا مثلك اعاني من اللى كما الوصواص
- 11ولحاهم عن افعال المواجيب مقصوصه◆رجال بوقت الضحك تلقى لها مجعاص
- 12بكثر الحكي فوق المسانيد مجعوصه◆تفتل شواربهم على الصيد والمقناص
- 13وهم والحباري للقرانيس مقنوصه◆سواليفهم مرّه كما الحنظله وعباص
- 14ولابه سوالف عندهم غير معبوصه◆دجاج تناقر بعضها داخل الاقفاص
- 15
صيود الحصاني لوماهي بمقفوصه