ماني وكيل ادم لذرية ادم
حسن عامر آل عيسى11 verses
- 1لا تصحب اللى مالبشر ما يؤادم◆حبّه لنفسه نرجسي يعشق الذات
- 2الصقر عزمه فالمتن والقوادم◆من مخلبه يدمي صيوده ويقتات
- 3والمرجله ماهي بحسن الهنادم◆المرجله صملة فعايل ووقفات
- 4ماياقف الوقفات غير الفنادم◆أفعالهم ماهي كذاب وخيانات
- 5اللى يخلون الرواسي دمادم◆يوم الثعاله تنجحر فالمغارات
- 6والموت ساوى بين سيّد وخادم◆مافيه فرق الا بلفظ العبارات
- 7يالله منشي الثعول الروادم◆ياعالمٍ تعداد الاحياء والاموات
- 8تلطف وتنجينا نهار التقادم◆في ماقفٍ تظهر جميع الخفيات
- 9لوتبكي العينين دمعٍ مع دم◆ماينفع الا رحمة الله اذا جات
- 10ماني وكيل آدم لذرية آدم◆الله خلق خلقه على انواع واشتات
- 11
حسن عامر آل عيسى