لايضيق الصدر ولا يعتريه الفزه
حسن عامر آل عيسى11 verses
- 1لايضيق الصدر ولا يعتريه الفزه◆لو تشوف الناس ذا شامت وهذا هازي
- 2خلك بثقل الجبل ماكل شي يهزه◆واترك اهل البروزه تسعى ورى البروازي
- 3ومثلما قال المثل اللى يعزك عزه◆ومن يشوفك دون قدره لاتشوفه بازي
- 4دام خطك مستقيم اصمل ودربك كزه◆مايضرك واحد في هرجته منحازي
- 5والذي يدخل مابين اثنين يحرق رزه◆ما يبطل لين يلقى حذفة النقازي
- 6من يطيع ابليس لقاّه الهوان وغزه◆واتلفه والقاه من حصن حصين وازي
- 7ومن لزاك بطيبته رد الجميل ولزه◆والهديه جيبها لوهي من القزازي
- 8وابعد من التتن يامشين غثاه ومزه◆وبالمساجد حط جوالك على الهزازي
- 9والذي يلبس لباس وبز ماهو بزه◆والله ان يبقى على ماقيل خازي خازي
- 10لوتعلم يشرب الشاهي على الطربزه◆والتبس عمّه وجاء يجلس في المركازي
- 11الكفو ونعم ووافي والحليم منزه◆والامام الشافعي يعرف من الشيرازي