لاتكتلف للي يدور على فرقاك
حسن عامر آل عيسى13 verses
- 1اذا الله بلاك بكبر همّك وكثر اعداك◆وبار الصديق وبيّنت خافي النيّه
- 2وحسيت مثل الجمر يوقد بوسط حشاك◆ودكت هواجسيك جموع وفرديّه
- 3وبانت خوافي ناقل الزور والأفاك◆قليل الحساني وافر الذنب والسيّه
- 4وتناسى الذي من قبل في ورطته ينخاك◆ووقفتك في بلواه ماهي بمنسيّه
- 5وحتى القريب اصبح على اتفه سبب يجفاك◆وجاتك ضروف الوقت بضغوط نفسيّه
- 6توكل على الله واطلب العون من مولاك◆ولا تبتلش مابين هذي وهاذيّه
- 7وتحزم بحبل الصبر واصبر على بلواك◆ولا تلتفت لاهل الهروج النحاويّه
- 8وقل ياعظيم الشان ربي طلبت رضاك◆كريم رحيم تغفر الذنب والسيّه
- 9ولا تكتلف للى يدوّر على فرقاك◆وصرّم حباله لو عرى الحبل مثنيّه
- 10رفيق المصالح لاقضى حاجته ينساك◆وبعض المواقف تكشف أحوال مخفيّه
- 11ولا تأمن النقّال ما بين ذاك وذاك◆مثل ماعطاء هذاك ينقل عنه زيّه
- 12كثير الفتن من ناقل الزور والضحاك◆لسانه بفمّه يعتلج كنّه الحيّه
- 13وبعض البشر يرمي كلامه بدون ادراك◆ولاهو يفرّق ناجح القول من نيّه