قلت الحقيقه ولا فيها جدال وشكوك
حسن عامر آل عيسى11 verses
- 1صحت لسانك عسى الله يرحم اللى ربوك◆يالشاعري اللى مقاله بالوفاء يحتذا
- 2قلت الحقيقه ولا فيها جدال وشكوك◆ياعلّ عينيك ما تشكي العمى والقذا
- 3شاعر ولك في مجال الشعر عدة بنوك◆قلطه وعرضه ونظم وفارس وجهبذا
- 4جمهوره الظخم من جيزان حتى تبوك◆شاعريدرّس فنون الشعر ويتلمذا
- 5والناس لا شافوا أنك في نعيم احسدوك◆وأن شفت وجه الحسود الحاقد تعوذا
- 6وبعض الاوادم بمدحك فالمجالس يلوك◆وهو على طيحتك يفرح ويتلذذا
- 7طبع البشر لو تحاشى ظلمهم يظلموك◆ويغدرونك بسيفٍ صارمٍ يشحذا
- 8شوف الجمل حمّلوه التمر واعطوه شوك◆وأن مات جلده يسوّى زير ولا حذا
- 9والبعض لو تعتذر من زلتك ما عذروك◆ومن زلّ منهم تمسكن كنّه القنفذا
- 10ولا غرابه من الانذال كان اجحدوك◆صدورهم مثل جمر النار فالمحنذا
- 11هاذي نماذج من انماط البشر والسلوك◆بالناس طيب وردا وأمام ومشعوذا