سقاك الله ياديرة
حسن عامر آل عيسى21 verses
- 1بذكر الواحد الفرد الاله العالم الديان◆عظيم الشان من يجعل ذنوب العبد مغفوره
- 2اسالك وانت من يعلم بما يخفيه كل انسان◆تجنب منطقي من كل قول يحمل البوره
- 3سقاك الله ياديره تحوز من الجمال الوان◆تظلي من بعد هلّ المطر بالعشب مستوره
- 4لك التقدير ياديره ثراها من دم الجدان◆وتاريخٍ مجيدٍ والملاحم فيه مسطوره
- 5ديار اهل الوفا والجود والطيبه لهاعنوان◆وبارود الرجال وبيرقٍ واعلام منشوره
- 6هنا التاريخ والمجد التليدلسالف الازمان◆هنا ديرة رجالٍ فى علوم الطيب مذكوره
- 7هنا جود الكرام وكل شي مثبت وبالبرهان◆هنا النخوه هنا العزّه بوسط الصخر محفوره
- 8هنا كنا سوى وقت الشدايد كلنا اخوان◆على مبدأ التعاون نجتمع بنفوس مسروره
- 9هنا عشنا سوى باغلا قيم والمستعين يعان◆وراع الفكر والحكمه نطيع ونتبّع شوره
- 10نفادي بعضنا عند الطلب بالروح والابدان◆ولا واحد يحسّب دون ربعه ويش مخسوره
- 11هنا ياذكريات العمر من ماضي الزمان الفان◆هنا (الشوحط ) نفوس بالنقا والصدق مفطوره
- 12هنا وادي (هده) يامنبع اهل الجود والعرفان◆هده من سابق الازمان بالاجواد مشهوره
- 13هنا (العرصه) رجالٍ فالمواقف تخمد البركان◆وتمسى كل فتنه ولعّت بالقبر مقبوره
- 14هنا وادي (شري) ربعٍ تريح شوكة الميزان◆متى صارت نفوس اهل البطر بالكبر مغروره
- 15هنا جبالٍ رواسي من (بضيعٍ )لا جبل (حفثان)◆الى راس (السديا)والقمم للناس مخبوره
- 16هنا ( الشيبا) هنا (السهوه) هنا(الفروه) هنا ( القمعان)◆هنا ديرة محبه واضحه بالصوت والصوره
- 17هنا الاشجار والاحجار والريضان والقيعان◆هنا تاريخنا الماضي القديم ومنبت جذوره
- 18هنا تذرف دموع العين تحرق لوعة الاحزان◆هنا شوف المزارع والبيوت اليوم مدموره
- 19هنا من كان يفرح يوم يقدم نحوه الضيفان◆ويكرمهم بماجوده ولايبخل بميسوره
- 20هنا عشنا مع الاخوان والاصحاب والاقران◆هنا كان الشباب وكل شي احلاه باكوره
- 21هنا ياليت ترجع يالعمر لو بابهض الاثمان◆ولو أن الليالي مستحيل ترجّع الدوره