زلة الرفيق
حسن عامر آل عيسى13 verses
- 1انا اذا جت من رفيقي زله◆غضيت عن زلة رفيقي طرفي
- 2وادور على عذر علّ وعلاّ◆يكون له عذرٍ عليه مخفي
- 3والثانيه من زلته نبلعها◆هذا الرفيق اسم الرفيق يكفي
- 4مادامها تمشي على ماقالوا◆مشيتها لو العواصف تسفي
- 5من يعرف الرفقه ومن ثمنها◆مثل الثياب اللى سترها يضفي
- 6وان زاد ثلثها اقوله حدك◆وانضجت له ميسم بوسمه يشفي
- 7وشلي ببعض الرفقه الملويه◆اذا رفيقي قام يشذب كتفي
- 8لاوالله الا عاد يمسك دربه◆اذا تعدا عن حدود العرفي
- 9ونعوذ بالله من خبيث النيه◆لويحضر السمن القراح ويصفي
- 10والنيّه تعود على راعيها◆وما دسّ في جوف الضماير يطفي
- 11تفهم نوايا الرجل من منطوقه◆والكذب يظهر مع كثير الحلفي
- 12وكم واحد قدام عينك يمدح◆وان غبت يقطع مثل حد الشلفي
- 13مايستحي واذا نصح مايخجل◆ولاله في الوقفات علم يوفي