اسمع الرأي المسدد يالحبيب
حسن عامر آل عيسى15 verses
- 1اسمع الراي المسدد يالحبيب◆لاتضل تسير ماعندك هدف
- 2حدد اهدافك تصيب اوماتصيب◆واحرص ان تمشي على نهج السلف
- 3الفروض الخمس عنها لاتغيب◆والطريق السمح عنها لا تلف
- 4والحذر من صحبة الرجل المريب◆صحبته ذلّه وملعونة جدف
- 5ارتفع بالطور عن بطن الشعيب◆من مشى بين الحفر فيها خسف
- 6وجالس اصحاب الأدب تصبح اديب◆وساير اصحاب الشرف تكسب شرف
- 7صحبة الطيب تزيد الطيب طيب◆وصحبة الباير كما قالوا تلف
- 8ولوتزل اذهن تكابر ياللبيب◆اعتذر عن كل زله واعترف
- 9ولا تقول هذا من العالم غريب◆ربما في يوم يقضيك السلف
- 10واعمل المعروف وارمه بالقليب◆ازرع المعروف من يزرع قطف
- 11والحذر تظلم بعيد ولاقريب◆بشر الظالم لنفسه بالتلف
- 12لايغرك لو يقولون انت ذيب◆وش يفيد المدح لا ريقك نشف
- 13ان بنيت احرص على الحيد الصليب◆وثبت السيسان واحذر يرتقف
- 14خل جدرك بالبنا دايم قطيب◆الجدر لو ما تجوّد مايقف
- 15واعرف ان الناس ورضاهم عجيب◆لو تقول الحق قالوا ماعرف