موجة بحر
بندر بن فهد بن سعد6 verses
- 1الموج من كف البحر يكفخ وسبقه يلتوي◆على السحاب وبارقه من فرحته وده يطير
- 2عمره سنه ولا شهر لمده مثل جزره ذوي◆انسابت اطرافه على جيد البحر مثل الحرير
- 3يكسيه مختال النظر من قبل موجه ينطوي◆يكتب قصايد نشوته بعد العصر نفح العبير
- 4ماغاب نجم إلا ظهر ياليت نجمي يستوي◆تشوف عيني طلعته آواه من لهب الهجير
- 5ان دارت افلاك الدهر ما ظامي إلا به روى◆والعاقل اللي كلما شطت يجير ويستجير
- 6من خانه الحظ اتعثر يأهل النظر والله قوي◆سبحان رب كلما ضاقت على خلقه بصير