وجدي
بن سالم12 verses
- 1وجدي على صاحبٍ ما يعرف الزله◆اخطيت في حقه وأقفى وخلاني
- 2وأنا على حالتي والحال معتله◆الين يرجع وأشوفه بعيني من ثاني
- 3أخطيت شكيت وشكي مو على حله◆وقلت راح ونسى ودي وجافاني
- 4مالي بمعذور يوم قلت له لله◆ماني بمعذور طعت العاذل الجاني
- 5أنا أشهد إنه قليبي يا عرب تله◆ردوه ردوه لا تشمت بي عدواني
- 6له الغلا بيت ما غيره أحد حله◆الحق له والخطا مردود لو جاني
- 7تفداه روحي وأنا أفدى دقه وجله◆ما سمع أنا فيه لا قاصي ولا داني
- 8قولو له إني مناتي بدنيتي وصله◆واسمه يعطر حياتي وكل وجداني
- 9درب الهوى ضاع وينه صرت ما أدله◆مدام قلبه غدى بيتي وعنواني
- 10منهو له اشتاق يا ملا من له◆منهو اللي بالعين يكتبني ويقراني
- 11وشلون يقسى خليل ويقطع بخله◆وشلون وشلون مدرى اشلون ينساني
- 12الله يرده لقلبي بخطوةٍ عجله◆وتقر عيني بعد دمعي وأحزاني