من مثلك
انور المشيري12 verses
- 1على مثلك أصافح وقتي و اهنيه◆واهني خافقي ..ولا إنت من مثلك؟!
- 2عجزت أوصف سما قدرك..عجزت أوفيه◆وش أبعاد السما !؟ قلي وانا أوصف لك
- 3هلا بك يا نسم روحي و يا لبيه◆في قلب م إعترف بالحب من قبلك
- 4وش الحيلة في قلب امحبتك تمليه◆في شخص من غلاتك صار يشبه لك
- 5تفاصيلك إهي ضعفي..لا تسأل ليه◆حنانك ضحكتك هيبتك وطيب اصلك
- 6وصوتك كوكبي الوهاج وحسك فيه◆إذا سولفت ياخذني وأسافر لك
- 7وانا يا سيد إحساسي ويا غاليه◆فؤادي خيل ما ساسه سوى وصلك
- 8يحبك حب يشب الحاسد و يطفيه◆إلين يرمد و جعله فدى ظلك
- 9هوانا ما تهزه ريح و للتشبيه◆هوانا (يا جبل ويش اللي يقدرلك)
- 10وغرامك يا خليفة قلبي و واليه◆وطن وإحساسي به شعب فدى كلك
- 11يا إسم من غلاه إن مرني طاريه◆يراودني سؤال وده يوصل لك
- 12أبي مثلك وش اللي ينهدى وأهديه؟؟◆إذا إنته يالغلا ما فيه أحد مثلك