هم يحسبون الشاعر يدور احضان
امجد الدبيسي17 verses
- 1بعض القصايد تشبه لبعض الاخـوان◆اوّسطهم اللـي تكتسيـه الرجولـه
- 2وبعض القصايد مالهـا بالفكـر شـان◆مثـل الهبيـل اللـي ينقّـل طبولـه
- 3واللـي قصيـده ماتعـدتـه الاوزان◆الشعـر مثلـه مـاوربـي ينـولـه
- 4وان قال هي بالصوت مع جر الالحان!!◆اجل عصافير الفضـى مـن فحولـه
- 5مليت يا محمـد مـن الليـل يـادان◆وتكريس ضعف الشعر في كل جولـه
- 6كن القصايد بس مـن فـم للسـان◆واعلامنـا ماهـمّـه إلا العمـولـه
- 7هم يحسبون الشاعر يـدوّر احضـان◆مايـدرو ان الهـم نـوّخ ذلـولـه
- 8باقصا حنايا الضيقـه وشـب نيـران◆ودمعـات عينـه بالكـا صفقـولـه
- 9الهم متنـوّع لـه اشكـال وألـوان◆والمحتـرف يلعـب بـدور البطولـه
- 10وما اقول انا الفارس ومرسامي حصان◆الحكم بِيد النـاس .. وكـلٍ ميولـه
- 11الشعر حسٍ ممتطـي قلـب إنسـان◆انسان عن مافيـه مـا احـدٍ يحولـه
- 12الشعر مثـل النـار يسبقـه دخـان◆حتى يبرهن قبـل يوصـل وصولـه
- 13الشعر ثوره صدر من عقـل بركـان◆فـي جيّتـه حـرف المولّـع مهولـه
- 14الشعر يامـا سلّـم المـوت فرسـان◆قد راح ابو الطيب ف بيبـتٍ يقولـه
- 15وماقد نزفت الحبر ياصاح مـن شـان◆اطرد ورى الشهـره وادوّر سيولـه
- 16لا والـذي خلاني ابدع بقيفـان◆حبّـه بقلبـي عمّـر ألفيـن دولـه
- 17وان كانها جتنا علـى عـزّه وشـان◆تبقى بذمة للمواقـف رجولـه