مضمار قضاعه
امجد الدبيسي25 verses
- 1يوم المواقف تطرق ابواب الاشعـآر◆للشآعـر يشرّع لهـآ مفـردآتـه
- 2وفي حفل ربعي هلّت مزون الافكآر◆وكل بيت عنـوآن المـوده عبآتـه
- 3الأوله / قومة ملـك عـزه الـدآر◆وهو عز دآره فـي غنـآه وسطآتـه
- 4احرج ملوك الارض في غيث مدرآر◆وفيه افتخر كل شي حتـى عصآتـه
- 5هذآك ابو متعب ذرى الدآر والجـآر◆عسى الله يطـوّل لنـآ فـي حيآتـه
- 6والثآنيه / تشهد لهـا كـل الانظـآر◆وتفوّق اللـي غـآرقٍ فـي سبآتـه
- 7تجمّعوآ ربعـي طويليـن الاشبـآر◆وصوت الفخر غنآ لهم مـن حلآتـه
- 8ومآهآن من يجمع على العز الاخيـآر◆إلا يـلآقـي بالرجـولـه ثبـآتـه
- 9ربعي جهينه مشعله كـل الاقطـآر◆وعز الزمن يهـدي لنـآ مرحبآتـه
- 10تشهد لنآ العقله بيوم الزمـن جـآر◆ولو يكذب التآريـخ يجـرح لهآتـه
- 11ولو قآلوآ ان الوقـت بالنـآس دوّار◆الذيـب طبعـه مآيغيّـر صفـآتـه
- 12واليوم بعد الامـن قفـآ بالاخطـآر◆تكآثفـوآ والغـرس يطـرب نبآتـه
- 13كأنهم والجمـع موقَـد لـه النـآر◆احفـآد شيـخٍ مآخذيـن بوصآتـه
- 14ومآضآع صيتٍ عآش من بين الاحرآر◆إلا يحصّـل مـن غنآتـه غنـآتـه
- 15مآبه قضآعي مآنزل وسط مضمـآر◆إلا خـذآ النآمـوس وزوّد غلآتـه
- 16والبل عطآيآ الله بهآ الوصـف يحتـآر◆كنّ الزمن سخّـر لهـآ مُعضلآتـه
- 17وإليآ ركضن بالمآد زينآت الابكـآر◆شيطآنهـن مآعـآد كمّـل سوآتـه
- 18كأنهن خلف العـدو تطلـب الثـآر◆والا عـدوٍ هـآب لحظـة وفآتـه
- 19يطرب لهآ اللي مآشكآ كيف تنـدآر◆ويعدهـآ مـن بيـن جملـة بنآتـه
- 20مآتهون عنده لـو يقولـون مليـآر◆وتفديه وْلو هو غآب جـن مرقآتـه
- 21من عهدنآ الاول لهن كبْـر مقـدآر◆وينولهـآ اللـي بالشهآمـه سمآتـه
- 22وإلين هذآ اليـوم تنـذآع باخبـآر◆ومن شآنهآ كم شيخ هـل اعبرآتـه
- 23ومآيلومه إلا من جهل ويش الاعذآر◆مآكنّـه إلا عشـق سبـب عمآتـه
- 24فيهن تغنوآ بيـن الافكـآر شعّـآر◆سوآت ربعي والمسـآ لـه طرآتـه
- 25واختآمهآ صلوآ على خير الابـرآر◆اعداد ما المُسنـد حـوى مفردآتـه