عيون السهر
امجد الدبيسي20 verses
- 1يابونبيل البـارح بحزنـي اردفـت◆متى على الله يرسي الخير مرسـاه
- 2الحظ يطلع ثم ينـزل كمـا اللفـت◆والعقل ينزف ضيق والنفس تنهـاه
- 3متحوله من دون آلـتٍ ولاشفـت◆هذي لغتهـا هـم وللزيـن عـزاه
- 4كني على مهوى المقادير وقفـت◆وقفة يتيـمٍ حايـر العقـل بخطـاه
- 5واقلب الماضـي ولاقـد تحسفـت◆لـن القمـر مانالـه اللـي تمنـاه
- 6ومن حظ غيري لو بيـدي تسلفـت◆واسلـي الخاطـر بغـروٍ تسـلاه
- 7ياليتني شايب عسا اقول خرفـت◆لكن شباب وشكوة العمـر شكـواه
- 8دربي يمين ولابه من العرب شفت◆كني وحيدٍ مالقا شخـص شـرواه
- 9يابو نبيل النـوم ماجانـي وعفـت◆من طاري الاحـزان والبيـن والآه
- 10لو عندي طيور الهوى كان ولفت◆زوجين تنجبلي سلاطيـن الافـواه
- 11ماكنت انا بالهـم وحـدي تكلفـت◆لكن يظل الضيـق يلعب بشلفـاه
- 12ياباشة الاخـلاق فينـي تشرفـت◆واخذت كل العلم بأقصـاه وادنـاه
- 13ومشيت في عرض الحياه وتعرفت◆على مريـض يـدوّر بقلبـه دواه
- 14من حالة الميؤس حنيت واذرفـت◆دموع المعاني والورق صار يفـداه
- 15بكتب من ابياتي ولو قالوا اسرفت◆اقول مـن هـذي حياتـه عذرنـاه
- 16سرابـي ماسـرى فيـه واخلفـت◆وراحت نصيب البهذله والمعانـاه
- 17انا الـذي فيهـا سطيـت وتلقفـت◆اكتب بليلي والنهار ارجـع اقـراه
- 18لو كانه امرٍ غير هـذا تصرفـت◆لكن خصيمي دوم يسرقني حمـاه
- 19حماه الفؤاد وبصبع الشوق طرفت◆عيون السهر واعميتها خوف مسراه
- 20ونقصتها مع مانقص مني وضفـت◆اشيا كثيـره تذبـح لشوفتـه شـاه