صباح الخير
امجد الدبيسي19 verses
- 1صباح الخير واشراقة شمس الشعر عالأُوتـه◆صباح تخطه اقلامي لخل بقلبـي مرباعـه
- 2صباح الطيب والنظره لجلسة عود واقهوتـه◆صباح الصدق بعلومه وهرجٍ يوفي اطباعـه
- 3صباح الخير والتفكير بصبحٍ مانبـي فوتـه◆صباح اسمعني للآخر قصيدي جاك بالطاعـه
- 4صباح النسمه العطره صباحك صوت كتكوته◆صباح ابيك من قلبي رضاكم مصدر اطماعه
- 5صباح الطفْل ومدرستـه وام تنـادي بقوتـه◆صباح الاجتهـاد وفلـة القبطـان لشراعـه
- 6صباح الكادي والعنبر صباح التوت في توته◆صباح يلامسه ذاتي وشوفك محـو اوجاعـه
- 7صباح اتكلم وآمر فداك الخـل فـي موتـه◆صباح اهلين يالغالي عليك النفـس ملتاعـه
- 8صباح الشاعر وشعره واسمك سـر فبيوتـه◆صباح الوزن والمعنى وفكرٍ جـاك بانواعـه
- 9صباح الرَمشه الخطره بقلبٍ طـال بسكوتـه◆صباح الحب لامنـه فتـح للخـل اسماعـه
- 10صباح القيس والليلى وحبٍ عالـي بصوتـه◆صباح الطهر والعفه ودبلة عشق بأصباعـه
- 11صباح العنتر و عبلا وهـم للحـب ياقوتـه◆صباح الدر والمرجان وكنزٍ ساكـن بقاعـه
- 12صباح الفلسفه والسر عـدّا ناصـر ونوتـه◆صباح اكتب وتقراني واحَسْب الوقت بالساعه
- 13صباح الغنج والتدليـع وخاطـر عيـن بنوتـه◆صباح اصغر بنات العود وهي بالحظن واذراعه
- 14صباح البرد وانته في ذرى المحبوب وبكوتـه◆صباح الكحل وسط العين صباح يذوب بوساعه
- 15صبـاح يطـول لعيونـك وللمكـروه تابوتـه◆صباح النور والبلور صبـاح يخطـه شعاعـه
- 16صباح البن ويّا الهيل وفرحـة عيـن بيتوتـه◆صباح اسحر به الانظار واقـدح قـدح ولاعـه
- 17صباح اللي تعلـم تـو علـى توزيـع بالوتـه◆صباح افتقها ياعمـي جـاك الخيـر واتباعـه
- 18قولي كافي او انـي ازيـد حـروف منحوتـه◆ترى ماهي بصعبه حيل بيوت الفكـر فزاعـه
- 19ابي مرضاتك ومثلي يبـي البيـروت بيروتـه◆ومن هو يملك احساسك ترى من قلب ماباعـه