خلف الكواليس
امجد الدبيسي14 verses
- 1وجيه العـواذل ياحبيبـي معابيـس◆والا انت وجهك نـور ليلـي وبـدره
- 2الحب ماله فـي حياتـي مقاييـس◆يزيد فـي شـوف المحبيـن كبـره
- 3فيك اكتب ابياتن مـن اول محابيـس◆وشعري بوجودك زاد بالحيل عمـره
- 4لا صرت وحدي تجتمع بي وساويس◆كنْها تقول الزين موجـود فطـره
- 5احدن بنومه شـال هـم الكوابيـس◆وانا بنومـي تاخـذ العيـن نظـره
- 6وهذا بحياتي مثل خلـف الكواليـس◆محدن يشوفـه لكـن يشـم عطـره
- 7فيه القصايد مثـل دق المراويـس◆يطرب لهـا قلبـن تغنـى بعشـره
- 8وشمس الوفا ماهي بحول الدحاليس◆يبقى الوفي شامخ ولا يضيق صـدره
- 9والجاهل اللي كل امـوره معاكيـس◆ماهي غريبـه ينفجـر فيـه صبـره
- 10بعدت عن دربن يجيـب المناحيـس◆ما ابغـى احـس بشـك مثقـال ذره
- 11ربـي خلقـت مـن الاوادم اباليـس◆ومن ضمن خلقك ناس بوجيه سفـره
- 12والخل نوره مثـل نـور الفوانيـس◆في ليلتن فيها القمـر جـاب عـذره
- 13ليله سعيـده دون هـم الجواسيـس◆يانـاس خلـي معتلـي فيـه قـدره
- 14والعين ياعينـي عيـون النواعيـس◆وشلون لو كشّف عن الوجه ستـره