حفل التخرج من جامعة مؤته / الاردن
امجد الدبيسي23 verses
- 1قم يآحميد الكيف يصهل جوآده◆للبن الأشقر مع خوى الرآس عآده
- 2ارفق عليه وزيده شوي مسمآر◆مآيعشقون الكيف يآكود سآده
- 3انته من البنقآل بس تحبكه حبك◆ولآ تخيّب اللي حط فيك اعتمآده
- 4سوقه علي وركّد جنون الأفكآر◆الشعر في رآسي تصفآفق عنآده
- 5في جآمعة مؤته بدآ الحفل يختآل◆حفل التخرج يآكبير الوسآده
- 6سلآم يآكل الحضور وهلآبك◆حضوركم للي تعنآ إجآده
- 7ولآيآرئيس الجآمعه جيّتك غير◆اكبر من إني ابتدي بالإشآده
- 8لآهنت يآعبد الرحيم الحنيطي◆وزآد الشرف بك يآرئيس العمآده
- 9الوآفدين اليوم غنوآ بالافرآح◆والحزن حُكمه إنصدر بالإبآده
- 10كلٍ تغرّب عن بلآده وكآفح◆لكن كأنه مآطلع من بلآده
- 11جينآ لعين العلم مانعرف الدآر◆ورحنآ وحب الدآر فينآ امتدآده
- 12ايآم مرّت بين كرسي ودكتور◆ودروس تبغا مْن المُجدْ إجتهآده
- 13ذكرى تعيش بجو مآيشبهه جو◆مثل النصر للي طلع من جهآده
- 14الجآمعه والسور وذيك الممرآت◆والقآعه واشيآء سكر زيآده
- 15عشنآ سنين العلم باحلآ سنينه◆والعمْر يحلآ كآن فيه إستفآده
- 16كم ترم عدآ يشبه لقطف الازهآر◆وكم ترم فيه الحَمل ينجب قرآده
- 17هذآك يطمح للمُعدل وشآطر◆وهذآك وآشيبي يعيش فبَلآده
- 18وهذآك طآيش مآمشآ غير بالحظ◆وهذآك يكرف بس يطلع فمآده
- 19واليوم صفوآ للشهآدآت الآحرآر◆وبالجنب الآخر فيه ميتين غآده
- 20بعد العنآ والكر ومحآرب النوم◆كلٍ تسلّم في يديه الشهآده
- 21يآجعلهآ مبروك وألفين مبروك◆وعقبآل مآ كلٍ يحقق مُرآده
- 22واللي مآجآه الدور بآكر له الدور◆مثله مثل حُرٍ تحرّا هدآده
- 23يالجآمعه شكراً لحسن الضيآفه◆وهذي لكم مع كل الاغرآب عآده