انتي سما لكن بها تجري الخيل
امجد الدبيسي20 verses
- 1ماترمش عيـون الغـلا وانتـي اللـول◆وماتستـوي إلا مـعـاك التعالـيـل
- 2يابنت وش تبغينـي آقـول .. واقـول◆اللـي تبينـه يابعـد كـل ماقـيـل
- 3ان كان غيري ياخـذ الحكـي منقـول◆انا اخترع لـك مآيهز التمآثيـل
- 4وكان الغلا تبغيـه يآصلـك مرسـول◆أقلب لـك الدنيـا قصيـد ومراسيـل
- 5دام الحكي واصل من لسـان معسـول◆مالي سوى هالمنهـل العـذب وآكيـل
- 6قلبك ينول وقلـب معشوقـك ينـول◆انتي سمـا لكـن بهـا تجـري الخيـل
- 7ياكم قلبت النبـض لاشفتـك طبـول◆وياكم عزفت لنجـل عينـك مواويـل
- 8احيـآن اقـول انـي بليّـاك مهبـول◆واحيآآآن اقول النـاس دونـك مهابيـل
- 9مآلك شبه بالخلق وْلو كآن بالزول◆غيرك عشـان يزيـن .. يحتـاج تعديـل
- 10وليته بعد جُهـده يجـي بـس مقبـول◆وانتي الوصايف فيك من ويل لاويـل
- 11الريق قهوة كيـف .. شفّتـك معمـول◆وش عاد ابي في مـدّة البـن والهيـل
- 12والعين وسعة صدر مـن فوقـه خمـول◆والخـد صبـحٍ مايجـي عقبـه الليـل
- 13والعنق دربٍ يوصِـل لبـاب مجهـول◆والخافيـه تحتـآج مـع همتـي حيـل
- 14لو قست بيديني مدا العرض والطـول◆لاجيت خصرك ترعـد يـديّ وتميـل
- 15عاد اتسآآآعـك عقبهـا مالـه حلـول◆ياكـود تكبيـرٍ نشـا خلـف تهليـل
- 16بالمختصر .. انا معـك شبـه مقتـول◆ويمكن تموت النـاس لآجبـت تحليـل
- 17باسكت عن اوصافك / ابآ اصول واجول◆في بيت يكفي عـن جميـع التفاصيـل
- 18معقول اقول انـك عجيبـه ومعقـول◆جنبك بنات النـاس شبـه الرجاجيـل
- 19يعنـي انـا والشعـر يااعـز مجـمـول◆سيلٍ علـى مايشتهـي قلبـك يسيـل
- 20بس قولي اش تبغينـي آقـول .. واقـول◆ومآ آظن تكفـي مابقلبـي اقاويـل