الزين
الفارس9 verses
- 1وش هالحلا وش هالدلع وش هالجمال◆الزين شسمه يا ترى ومنهو قومه
- 2ما شافت عيوني بشر بهالكمال◆ورده في حلاها لكن أكثر نعومه
- 3هي عبير وعطرها لفحة خيال◆يا حظ عطرٍ ساكنٍ في هدومه
- 4ولا ساره تسر قلبك وتحتال◆على همومٍ ضيعت له حلومه
- 5هي جوهره تفخر بها وتختال◆عيونها بحرٍ وغصبٍ تعومه
- 6ولا لطيفه والحكي منها جال◆مثل البراد في قلبٍ هبّت همومه
- 7ريم في حلاها والحلا فيها موال◆يطرب عيونٍ ما تهنت بنومه
- 8يمكن شهد والكل شهد فيها دلال◆أو عايشه ولا دلعها فطومه
- 9في قلبها حصه أبي ولا مجال◆أغرم بها وتصير بي هي مغرومه