يا هوه
العطيب8 verses
- 1ياهوه وقف.. وين عقلك موديك ..◆مهوب انا اللي اقبل اكون عادي ..
- 2لا تحسب اني يوم تقفي بناديك◆انا الذي لاقفيت لازم تنادي
- 3الى متى قلي ابسكت واداريك ..◆وانت عديم احساس تايه وغادي
- 4لاصرت عايف ليه اهدي واهديك◆ماهو حبيبي من يدور عنادي
- 5ماني بكيفك يوم تطفش اسليك◆انا تراي احساس ماني جماد ِ
- 6زودت في كبر الخطايا تماديك◆ماعادني صابر على هالتمادي
- 7وحده بوحده مثل ما اخذ اعطيك◆وانت ترا المخطي ومن كان بادي
- 8يوم ٍ يجيبك ويوم عقلك يوديك◆لا ابيض ولا اسود لون طبعك رمادي