الله اقوى
العالية9 verses
- 1الله أقوى كيف ما زان النصيب◆كيف مالي من صفا وقتي قدر
- 2الأماني عن لساني ما تغيب◆وأصبحت من كثرها شكوى عمر
- 3بي جروحٍ من سنين ما تطيب◆كل ما أكبر معي جرحي كبر
- 4الزمن من غلطتي وقتٍ عصيب◆والليالي تسقي شفاهي كدر
- 5والدقايق وضعها عندي غريب◆الدقيقة عادلت طول الشهر
- 6والظنون قبال نظراتي تخيب◆واليدين وثاق والقفل في بحر
- 7العمر قفى وساعاتي تشيب◆والزمن محسوب من عمري قهر
- 8ياالهي خلك بجنبي قريب◆مدني بالعزم وامهلني الصبر
- 9ربنا خلك على وضعي حسيب◆لا تخليني ترى مالي مفر