زبون الصبر
الشيخ حمدان بن محمد بن راشد آل مكتوم12 verses
- 1من كثرت الشعار والمستشعرون◆تغطرست لوراق واغتر الحبر
- 2ماأجهل اللي يحسب ان جر اللحون◆ايبيض الوجه او يطول فالشبر
- 3الشاعر الحساس شعره ذو شجون◆يصفا معاه الجو لو انه غبر
- 4بعيد ياشعار عن سوء الظنون◆ماقلتها من غطرسه ولا كبر
- 5قد تعتبر وجهة نظر يامبدعون◆وربما وربما لاتعتبر
- 6وايلا ذكرت اللي علا قلبي يمون◆عبر جسور الود والحب اعبر
- 7الشوق من وصلك يابو طرفن فتون◆يكبر معا راعيه لامنه كبر
- 8ترا مريض السكري جرحه يهون◆شوفك يكفي عن علاجه بالأبر
- 9لو الاطباء عن علاجك يعرفون◆كان اصنعوا منك دوا فالمختبر
- 10صابر علا حبك رغم كثر الطعون◆والمشكله حسب الكلام المعتبر
- 11لوكانت القصه صبر انا زبون◆الصبر والايام للعاقل عبر
- 12القصه الوافي يموت او لايخون◆وان الصبر نفسه يبي منا صبر