ما لك شبيه
السحاب13 verses
- 1يا وجهك اللي مصدر الفيّ والضي◆يجمع ما بين أضداد في انسجامه
- 2يجمع دجى وانوار والنار والمي◆بين الشَعَر والخَد والابتسامة
- 3يا اللي ابتسامج يروي احساسنا ري◆من تضحكين اتشكلين الغمامة
- 4مالج شبيهٍ بالثرا والسما حيّ◆انتي جمالج فارقٍ في قوامه
- 5لو الحِسِن يتعب على نفسه شويّ◆يمكن تفاصيلج تحقق.. مرامه
- 6ومن قال انتي فارقة ما فَرَق شي◆لانه حط تاج الجمال في مقامه
- 7 يا من لويتي رقاب من ناظرج لَيّ◆والله يلوم اللي بهالزين لامــــــه
- 8صم الصخر فطلتج ينقلب حيّ◆ياكيف قلب انسان ينبض غرامه؟
- 9يا حيّ هذا الغنج والحسن والضي◆سبحان من جلا بوجهج ظلامه
- 10ويا عل الفرح يطوي من سنينج طيّ◆ويهلّ مزنـــه مع تباشــــير عـــامه
- 11وياحيّ عيدج بين الأيام يـا حـــيّ◆تتباهى سنينه و بج تتفاخر أيامه
- 12كل عام وانتي آية الحسن والغيّ◆وتبقين لقلب السحاب غلا أنسامه
- 13و كل عام و الله يديم محبتج لي◆يا شما وانتي بالف خير وسلامة