الاسير
الدكتور مانع بن سعيد العتيبه9 verses
- 1هذا جبين الزين وإلا الصباحي◆بس الخدود اتبث لحظات الغروب
- 2ذايب ولا بقادر اخفي انسياحي◆بسمة حبيبي نور ذايب ومسكوب
- 3حتى الطبيعة اتهب أقوى الرياحي◆الريح غيرانه تبا تكشف الثوب
- 4ياشهرزاد الدهر هرجك مباحي◆اهمس عن الدنيا وعن قصة اقلوب
- 5احس من قلبي ايرفرف جناحي◆طير على عالي الغصون ناح مشغوب
- 6لو كنت فوق الأرض طاب ارتياحي◆شرط يكون العش في حضن محبوب
- 7أنا ابا معشوق يحرق جماحي◆اطلع من الدنيا انا بلحظة اهروب
- 8احذر حبيبي بيوم تطلق سراحي◆خلني اسيرك دامه الأسر مرغوب
- 9اعلن غرامك صرت نايم وصاحي◆عادي فؤادي في لهب نارك ايذوب