غمضت عيني
الامير محمد بن عبد العزيز بن محمد8 verses
- 1غمضت عيني عن سواليف بالي◆حتى ولو ما عانق عيوني نعاس
- 2تمرني عقب الليالي .. ليالي ..◆والجرح .. مثلي حيل مرهف وحسّاس
- 3لا جيت بين الناس .. كني لحالي◆ولا صرت بـ لحالي معي كل هالناس
- 4فيني اماني .. مالها أول وتالي◆استسلمت للياس .. من سطوة الياس
- 5وفيني بقايا حلم .. من عمر غالي◆ضاقت به الدنيا .. مثل ضيق الانفاس
- 6حزني يراودني .. وأنا عنه .. سالي◆وقت الفرح يرسم على الثغر .. حراس
- 7فجري بعيد .. وسور هالليل عالي◆ابطى ولا ظنيت في شمسي احساس
- 8اخفيت سري .. عن سواليف بالي◆مشتاق .. لكن رغم جرحي قوي باس