ياهلي من ضيم الايام
احمد الناصر الشايع10 verses
- 1يا هلي من ضيم الأيام وا عزالي◆لو ضحك سني ترى علتي دخليّه
- 2هالسنه من ضيقة البال مانى خالي◆لو بغيت الصبر بانت بي الماريّه
- 3اتحرى للفرج كل رأس هلالي◆والمودة حق واحكمها شرعيّه
- 4صابر ٍ طول السنة جمل الله حالي◆في رجاء الله ثم أبو قذلة ٍ خمريّه
- 5كيف بصبر واتسلى واطول بالي◆والخطر والموت بخدوده الورديّه
- 6لو عذلت القلب ما طاوع العذالي◆وانقطع حبل الرجاء و الغلا بإيديَه
- 7واعسا من حال بيني وبين الغلا◆مايميز حد شمس الضحى والفيّه
- 8كان جاء مني خطاء جازني بأفعالي◆لا تزيد جروح قلبي على مافيـّه
- 9انت منوة خاطري وانت رأس المالي◆وأنت ما للقلب غيرك جميع ٍ حيه
- 10واعذابي منك يايزين واغربالي◆يا حياة الروح ما فيك لي ماويه