وا عيني اللي
احمد الناصر الشايع8 verses
- 1وا عيني اللي من الفرقا تهل العباير◆عزاه الا اقبلت سواد الليل جاها عناها
- 2تذكر زمان ٍ مضى دارت عليه الدواير◆يا شين فرقا ضحى شيناه للي شكاها
- 3وا كسري اللي عليه ازرت تضب الجباير◆على عشير ٍ نهب عقلي وحالي طواها
- 4جدد جروحي وخلاني على الدار حاير◆من حر مابي تجي العبره والأخرى وراها
- 5يا وجد روحي على لاما خفيّ السراير◆قدايم روحي تروح وقبل يقطع رجاها
- 6عز الله اني على شوفه غليل الضماير◆هو مبتدأ لذة الدنيا وهو منتهاها
- 7من شان ترف القدم هانت علّي الخساير◆ارخصت مالي وغالي الروح يرخص غلاها
- 8ياربي تلطف بحال اللي به الحب جاير◆عزاه قلبه مريض وحاجته ما قضاها