جرح العيد
احمد الصانع6 verses
- 1حبيبي هالزمن يضحك على جرحي وإنت بعيد◆وجيت من الشتات اسأل بعد جرح الزمن وينك
- 2اذا يرضيك تستقبل بدوني فرحتك بالعيد◆شسوي بقلب متعوّد يشوف العيد في عينك
- 3انا ما جا على بالي غيابك انت بالتحديد◆عنادك ليش ضيعني وقف ما بيني وبينك
- 4انا ماجيت ابي منك بعد جرحك تفك القيد◆ابيك تحس في قلبٍ رفض ينساك ويدينك
- 5مثل ذيك السنة وأكثر انادي والندا ما يفيد◆بقلبي شوق لو حسيت به يقلب موازينك
- 6اردد عيدك مبارك عسى كل عام وانت سعيد◆وقلبي يرتجي وصلك ياغالي وفاقدٍ زينك