الصقر
احمد الصانع8 verses
- 1صاحبي لا تحاتي صاحبك بالزحام◆وضعي الحمد لله فارق و مستقر
- 2ما علي من كلام اللي يحب الكلام◆من يحال يكدر خاطري ينحقر
- 3عز منهو يعزك وافرض الاحترام◆خل نفسك غنية لو بلاك الفقر
- 4بالسما فيه صقر وفيه سرب حمام◆وانت اختار دورك يا حمام او صقر
- 5حالي طيب بخير وكل أموري تمام◆غبت وجبت الغنيمة والغنايم تسر
- 6ألف شكر على هالحب والاهتمام◆انت صاحب ذخرته الليالي العسر
- 7لي في قلبك مقام ولك في قلبي مقام◆افتخر فيك دايم وانت بي تفتخر
- 8ويلي صاحبي ما يأثر فينا هذا الزحام◆هالقصيدة رسالة من صقر لصقر