ولسه عنيكِ بيحلوو
إكرامي قورة24 verses
- 1ولسه عنيكِ بِحْلَوّوا◆وهاعمل إيه ؟
- 2خلاص مقدرش أحب أكتر◆ولا حتى أدوب أكتر
- 3كده ......... أًخْرِى◆ولو زاد الجمال حبة
- 4يروح قلبى ورا قلبك ويتخبى◆لأنى بجد مش هأقدر
- 5أصد جنود جيوش حسنك◆لأن جنود جيوش الصبر فى قلبى
- 6نفد منهم خزين الصبر والأشواق بتضعفهم◆قولى لى إزاى هيتقووا ؟
- 7إذا كانت عيونك لسه بيحلوو◆يانور خبط على باب الضلام ف القلب
- 8قمت أفتح له◆زغلل عينى .... توهنى .... ولخبط حالى
- 9خلانى بقيت فى الحب مجنونك◆يانور عينى
- 10زمان كنت أكتب الأشعار◆عشان أوصف بها عيونك
- 11لكن دلوقت زاد الحب عن طاقتى◆فتاه بيّا حصان الشعر فى كونك
- 12ولكنى ف عز ضياعى فوقنى صدى صوتك◆طردت الشعر من راسى
- 13وكتفته بكراسى◆وشلت النبض والإحساس على كتافى
- 14رفعت إيديه واتعلقت برموشك◆أمانة وقفى جيوشك
- 15د قلبى ضعيف◆ولو جيتى بحبة رقة والله ما هيحوشك
- 16أنا العاشق سواد عينك◆ولون الطيبة ف جبينك
- 17باموت فى الشمس لما الليل يعاكسها◆تضم عليه أشعتها يونسها
- 18ولما ينام يطوف قلبى على نجومه ويحرسها◆ويرقيها بتعاويذى
- 19أنا العاشق ..... وآخرهم◆ومن دخلوا الهوى قبلى تلاميذى
- 20باموت فيكِ ...◆وهاموت أكتر ......
- 21وأموت أكتر◆لحد ما اعيش
- 22ويسبح شعرى ف عيونك◆كما الدرويش
- 23نطير نعلى لفضا جوُّه◆ويسألنى هنعمل إيه ؟
- 24ما تهنا خلاص◆ولسه عينيها بيحلوو