رعى الله مَن تجمَّل
إبراهيم أبو طالب22 verses
- 1أَسَرْ قَلبي المُكَحَّلْ◆يِجنِّنّي ويزعَلْ
- 2على عَيني تِدَلَّلْ◆رَعَى اللهْ مَنْ تِجَمَّلْ
- 3سَألتِه وَصلْ قَلبِه◆وصَارَحتِهْ بِحُبّه
- 4وحلَّفتهْ بربِّه◆فلا يِرحَمْ ولا شِي
- 5وفِي عَلياه مَاشِي◆وكَم قَد لِي أَراشِي
- 6وَرِشْ حَالي مُشَــاكِــسْ◆مِن الغِيدْ النَّواعِسْ
- 7مِعهْ حَظِّي مُعاكِسْ◆بقدِّه غُصنْ مَيَّاسْ
- 8عليه حَاجِبْ وحُرَّاسْ◆يِدَارونه عَن النَّاس
- 9وحتَّى الشَّمسْ تِخجَل◆إذا أَسفَر وأَقبلْ
- 10فتِتوَارَى وتِرحَلْ◆أَبَدْ مَا شُفتْ مِثْلِهْ
- 11وهو في الحُسنْ مِثْلِه◆لِمَن بَعدِه وقَبله
- 12فيا أَغلى مُرادِي◆لِمِه تِنكِرْ وِدَادِي؟
- 13لِمِهْ تِجرَحْ فُؤادي؟◆وأَنت الرَّاحْ فِي الرُّوح
- 14لكْ الوجدان مَفتوح◆فَمَهما قُلت مَسموح
- 15عليك قَلبي تِسَمْسَمْ◆وبك هَايم ومُغرم
- 16فَلا تِجْفِيهْ يُحْرَم◆فواللهْ إننا اَشْتِيك
- 17أَنا اَحبَّك أَموتْ فيك◆وما تحتاج باعطِيك
- 18فلو تُطلُب عُيوني◆جَبَا لك يَا عُيوني
- 19ويِكفي مَا عَيونِي◆هَوى قَلبي مُؤجَّل
- 20وأَنت الحُبّ والحَلْ◆تِجَمَّل بِي تِجمَّل
- 21وصلِّ يا مُمَجَّدْ◆على الطَّاهر مُحمَّدْ
- 22
وآله مَا تِردَّدْ